Меңдіқара ауданында Жастар ресурстық орталығының еріктілері жалғызбасты қарттар мен көмекке мұқтаж тұрғындарға қолдау көрсетіп келеді.
Әсіресе қысқа дайындық кезінде отын жарып, көмір түсіріп, үй жылытуға көмектесетін жастардың еңбегі үлкендер үшін аса маңызды.
Жастар ресурстық орталығының басшысы Тұрсынай Дүйсембаева еріктілердің мұндай игі істі жыл сайын дәстүрлі түрде атқаратынын айтады. Көмекке мұқтаж қариялар орталыққа өздері де хабарласып, өтініш білдіреді. Соңғы апталарда еріктілер бір күннің ішінде үш мекенжайға барып, отын жинап, көмір түсіруге көмектескен.
Қайырымдылық шараларына аудандық Кәмшат Дөненбаева атындағы Боровской кәсіптік-техникалық колледжінің студенттері де белсенді қатысады. Колледж басшылығының қолдауы арқасында жастар бос уақытын қоғамдық жұмыстарға арнап, мұқтаж жандардың тұрмысын жеңілдетуге үлес қосып жүр.
Еріктілердің көмегін ерекше сезінетін жандардың бірі – 96 жастағы тыл ардагері Елена Ткаченко. Жастар қарияның үйіне жыл сайын барып, қысқы дайындығына жәрдемдеседі. Биыл да көмір түсіріп, отынын кіргізіп, қолғабыс еткен.
Еріктілер бұл еңбегі үшін ақы алмайды. Олар үшін үлкендердің алғысы мен ақ батасы – ең басты марапат. Жастар ресурстық орталығының қызметкерлері мен еріктілердің бірлескен жұмысы аудан тұрғындары арасындағы жанашырлық пен ізгіліктің жарқын үлгісіне айналып отыр.
Айтолқын ӘБДІЛДА
Суреттерді Жастар ресурстық орталығы ұсынды
Всю эту красоту - от идеи до воплощения - новый руководитель библиотечной системы Кайыржан Тлесбаев…
Қостанай облысында «Таза Қазақстан» жалпыұлттық тұжырымдамасы аясында «Менің аулам – менің бағым» облыстық жобасы жүзеге…
В рамках проекта «Заң мен тәртіп» («Закон и порядок») в Костанайской области продолжается «Караван правовой…
Для Артема настоящий драйв заключается в запахе бензина, звуке карбюраторного двигателя и аутентичности советской классики.…
Мусульманское кладбище в селе Боровское - место памяти и уважения к ушедшим близким. (далее…)
Өмір жолында талай белесті бағындырып, кейінгі буынға ақыл-кеңесін айтып, өнегелі ғұмыр кешіп келе жатқан…
This website uses cookies.