9 қазан айшылық алыс жерлерден жылдам хабар алғызған пошташылардың төл мерекесі
Дүниежүзілік пошта күні Біріккен Ұлттар Ұйымында атап өтілетін Дүниежүзілік мерекелердің бірі
Күнделікті халыққа келелі қызмет көрсететін пошташылардың еңбектері орасан. Сәлемдеме, ақпарат, зейнетақы, газет-журнал тарату пошта қызметкерлерінің күнделікті атқаратын жұмысы мен міндеті. Бұл тұрғыда аудандық пошта байланыс торабы қалтқысыз еңбек етуде. Жалпы саны 53 қызметкер Меңдіқара аудандық пошта бөлімінде абыроймен еңбек етуде. Несинің рәсімделуі, клиенттің көңілінен шығып уақытылы және сапалы қызмет көрсетудің барлығы пошта қызметкерлерінің мойынына жүктелген жұмыс.
Қызығы мен қиындығы мол салада инкассаторлардың да атқаратын жұмысы жетерлік. Хабарлама, құнды құжаттар, зейнетақыны уақытылы және белгіленген мекен-жаға жеткізу бұл инкассатор қызметкерлерінің шаруасы. Аталмыш пошта бөлімінде бүгінгі таңда бес бірдей инкассатор халыққа қызмет көрсетуде. Жауапкершілігі мен ауыртпашылығы мол жұмысты атқарған инкассаторлар ешқандай қиындыққа қарамастан халыққа мол ықыласпен өз қызметтерін көрсетуде.
– Біздің мамандығымыз өзгелердікінен ерекше. Қызығы, қиындығы, кедергісі жетерлік. Басты мақсат халықтың, аудан тұрғындарының көңілінен шығу. Межеленген уақытта зейнетақыны өз мекен-жайына жеткізу, қауіпсіздік шараларын сақтау біздің таңнан кешке дейін, күн сайынғы уақытпен санаспай атқаратын жұмысымыз. Әріптестерім жұмыстарына тиянақты, күрделілігіне қарамастан адал атқаруда, – дейді аға инкассатор Қуаныш Көбеков.
Талай жыл инкассатор қызметін үлкен жауапкершілікпен атқарып келе жатқан Серік Мәліков, өз жұмысының қыр-сырын жақсы игерген Бекболат Мұхамбетжанов, Айбар Дүйсембаев және Есенғали Дюсекин бүгінгі күнде аудан орталығы мен ауыл окруктері тұрғындарына қызмет жасауда. Ауыр мамандықтың жүгін арқалаған азаматтар ауа-райының қолайсыздығы, күннің ыстығы мен суығы, жол торабының кедергілеріне қарамастан өз жерлестерінің қамы үшін еңбек етуде. Мекеме басшысы Наталья Шудегова да өз қызметкерлерінің еңбектеріне дән риза екендігін жасырмай, мереке иелерін құттықтай отырып, толағай табыстар тіледі.
Бізде өз атымыздан барша пошта қызметкерлерін келіп жеткен кәсіби мерекелерімен шын жүректен құттықтаймыз. Еңбектеріңзге жеміс, күш-жігер, толымды істеріңізге сәттілік тілейміз.
Тұрсынай Мұхтарқызы
Много сидишь в социальных сетях? Тогда читай полезные новости в группах "Qostanai.Media" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-701-031-72-31