Жеңіс құтты болсын!
Биылғы жыл аудандық мәдениет үйі үшін жемісті жыл болды десек қателеспейміз
Өнерпаздарымыз көптеген жетістіктерге жетіп, жеңіс тұғырынан көрінуде. Соның бірі Достияр Қайдаров Арқалық қаласының 63 жылдығына арналған «Арқалығым-аңыз, тарихым-Торғай атты» жастар жылына орай ұйымдастырылған аймақтық әншілер байқауында ынталандыру сыйлығымен марапатталып, аудан намысын қорғап өнер көрсетіп келді.
Сондай-ақ «Болашаққа бағдар, Рухани жаңғыру бағдарламасы» аясында Тәтіқара жырау шығармашылығын дәріптеу және мемлекеттік тіліміздің мәртебесін көтеру мақсатында «Сарыкөл ауданы әкімдігінің тілдерді дамыту орталығы» ұйымдастыруымен алғаш рет өткен «Тәтіқара жырау атындағы облыстық терме, жыр-дастан» байқауында мәдениет үйінің өнерпазы, термеші Мұрат Нағашыбай ІІІ орынға ие болды. Жерлес өнерпаздарымызды жеңістерімен құтықтаймыз!
Өз тілшіміз
Много сидишь в социальных сетях? Тогда читай полезные новости в группах "Qostanai.Media" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-701-031-72-31