Ниеттеріңіз қабыл болсын!

Қасиетті Рамазан айындағы игі іс-шаралар  Мүфтиіміз Наурызбай Тағанұлының «Береке-бірлікте!»  үндеуімен бастау алып, кейін Ораза айындағы шарапаты мол істі аудандық Зұлқарнайұлы Мұса қажы мешітінің ұжымы жалғастырып, халық та қолдау білдірген болатын.

Осы орайда ауыз бекітіп ораза тұтқан жамағатқа, содай-ақ, отбасылық жағдайы төмен отбасыларға «Рамазан айы қоржыны» атты қайырымдылығы жасалғандығы жайында алдағы нөмірлерде жазған болатынбыз.

Осы игі істі ораза айының соңғы он күндігінде аудандық Тілдерді оқыту орталығының директоры Алмагүл Бірманова бастаған ұжым жалғастырды.

Ниеттеріңіз қабыл болсын. Ораза айындағы жасап жатқан жақсы істеріңіз берекесін берсін!

Қымбат НАҒАШЫБАЙ