Маникюр жасаудың хас шебері – Самал Есмағамбетов

Әйел дегеніміз – сұлулық. Әлемнің бар сұлулығын, бар асылын оранатын – нәзік жандылар қауымы

8 наурыз – Халықаралық әйелдер мерекесі қарсаңында аруларымызға сұлулық сыйлап жүрген, әдемілікке жаны құмар жан – Самал Есмағамбетованы келіп жеткен мерекемен құттықтап, ерекше еңбегі жайлы жазғанды жөн санадық.

Оның тырнақ әрлеумен айналысқанына екі жылдан астам уақыт болыпты. Осы уақыт ішінде сұлулыққа жаны құмар Самал еңбегін жүрек қалауымен атқарып, адал еңбектің иесі атанды. Аруларымыз маманның жұмысына жоғары баға беріп, дән риза екендерін де айтып жатады. Бүгінде тұрақты клиеннтерін қабылдап, сұлу аруларымыздың көңілінен шығуда.

Қазіргі таңда нәзік жандылардың қалауы әдемі маникюр жасату. Міне, Самал маникюр жасаудың хас шеберіне айналған нағыз маман десек, артық айтпаған болармыз. Бүгінде өз білімін жетілдіріп, осы іске керекті құрал-саймандарды сатып алып, сәнді маникюр жасауды өз кәсібіне айналдырды.

Бүгінгі күннің ағымына қарай тырнақтың пішіні мен бояудың түрі өзгеріп отыратыны анық. Самал да заман ағысынан қалыспай, әркез заманауи үлгі мен арулардың сұранысына сай жұмыс жасағанды жөн санайды.

– Тұрақты клиенттерімнің қалауына сай тырнақтарын әрлеп, бояуға тырысамын. Жүрек қалауыммен жасағандықтан шығар өзімнің атқарып жүрген ісім көңілімнен шығуда. Маникюрдің түрі көп, пішіні әр түрлі болып келеді және аруларымыздың жасына да байланысты жасауға тырысамын. Келушілерге жоғары деңгейде жасап, көңілдерінен шыққанды қалаймын, – дейді маман.

Барша әлемнің жаршысына айналған сұлулыққа одан әрі шырай келтіріп жүрген Самалдың еңбегі адал. Ол бүгінде заманауи әйелдердің қатарын толтырып, өз напақасын еңбектің арқасында тауып отыр. Еңбегіне жеңіс тілеп, нәзік жанды аруымызды келіп жеткен Халықаралық әйелдер күнімен құттықтаймыз.

Тұрсынай Мұхтарқызы