Абай Құнанбайұлы – балалардың тілімен
Абай Құнанбайұлының 175 жылдығына орай Тілдерді оқыту орталығы мектепке дейінгі білім беру ұйымдарының тәрбиеленушілерімен ағымдағы жылдың 20 ақпанынан 21 ақпан аралығында “Бала тілі бал” аудандық сайысын “Абай Құнанбайұлы – балалардың тілімен” тақырыбында өткізді.
Байқаудың мақсаты Ұлы ақын Абайдың шығармаларын болашақ ұрпақ бойына сіңіру, тәрбиеленушілердің үш тілге деген қызығушылығын арттыру. Мектепке дейінгі даярлық топтарында Ұлы ақынның шығармалары және аударма мысалдарын арқау етіп, тәрбиешілер ашық сабақтар өткізді.
Қазылар алқасының шешімімен Бас жүлде Ғ.Жұмабаев атындағы Боровской мектеп-гимназиясының «Айгөлек» тобы, 1-ші орынды «Балауса» бөбекжай-балабақшасының «Жұлдыз» тобы және Первомай орта мектебінің «Аралар» тобы тең бөлісті, 2-ші орынды «Жас әлем», бөбекжай-балабақшасының «Қарлығаш» тобы, 3-ші орынды А. Шотаев атындағы Боровской мектеп-гимназиясының мектепке дейінгі даярлық тобы иеленді.
«Ізденімпаз топ» номинациясымен Ғ. Жұмабаев атындағы мектепке дейінгі даярлық тобы, «Тіл білгірлері» номинациясымен «Балауса» бөбекжай-балабақшасының «Алтын күн» тобы марапатталды. Байқауға қатысқан мектепке дейінгі даярлық топтарының барлығына бағалы сыйлықтар мен грамоталар табыс етілді.
Өз тілшіміз
Много сидишь в социальных сетях? Тогда читай полезные новости в группах "Qostanai.Media" ВКонтакте, в Одноклассниках, Фейсбуке и Инстаграме. Сообщить нам новость можно по номеру 8-701-031-72-31