Главные новости Мендыкаринского района – Qostanai Media

Дәстүрлі ауылшаруашылық қызметкерлерінің мерекесін «Қарқын Агрофирмасы» ЖШС-гі кең көлемде атап өтті.

Аталмыш іс-шараға аудан әкімі Нұрлан Қатарбеков бастаған бір топ құрметті қонақтар ат салысты. Мереке қонақтарына аса құрметпен ас атасы наннан ауыз тию рәсімі жасалды.

Алғашқы құтықтау сөзімен сахна төрінен барша ауылшаруашылық қызметкерлерін аудан әкімі Нұрлан Жеңісұлы құттықтап, бүгінгі атқарып жатқан адал еңбектерін жоғары бағалап өтті. Сондай-ақ, ауданымыз бен облыс көлемінде атқарылып жатқан игі істердің атқарылуында «Қарқын Агрофирмасының» зор үлесі бар екендігіне де тоқталды.

Дәл осы күні салтанатты түрде жоғары көрсеткішті жұмысшылар Дархан Жельдебаев, Алексей Чужик, Болат Торсанов аудан әкімінің қолынан грамотамен марапатталды. Ал, «Жылдың үздік механизаторы» номинациясы Ербол Нұрхановқа табысталыды.

Сондай-ақ, еңбек ардагерлері Николай Бельский, Александра Леготина, Арсалда Шектыбаева, Нина Бровко, Надежда Соснина, Анатолий Веселый, Владимир Холодов, Мария Козаченко, Валентина Арцыбасова, Анатолий Шабанов аудан әкімінің құрметіне бөленді.

Қостанай облысы бойынша «Туркуаз Машинери» фирмасының директоры Рахат Жиенкулов, «Боровской» аграрлық несие корпорациясының өкілі Гүлмира Жунусова сахна төрінен сөз алып, мереке иелерін құттықтады.

Осы ретте «Үздік өндіріс маманы» анықталып, Андрей Богдан марапатқа ие болды. «Жылдың үздік малшысы» номинациясын шаруашылық ардагері Сәлімжан Құдабаев және Қостанай облысы бойынша «Первая Агрохимическая Компания» ЖШС-нің директоры Тимур Тухтаров табыстады. Бұл номинацияға Байболсын Шаншаров лайық деп танылды.

«Жылдың үздік жүргізушісі» номинациясын М.Қарабаев атындағы оңалту орталығының бас дәрігері Марат Шалов табыс етті. Аталмыш номинация иегері Алексей Чужик атанды.

Іс-шараны қорытындылай келе «Қарқын -Агрофирмасының» директоры Еркін Бұқанов сөз алып, барша еңбеккерлерді мерекемен құттықтап, адал еңбектеріне алғысын білдірді. Дәстүрлі түрде мерейтой иелерін қаржылай және Алғыс хатпен марапаттады.

Бұл ретте Ирина Соловей, Еркен Арстангалиев, Акан Кульмаков, Есмырза Жумабаев мадақталды.

Еркін Сайранұлы «2019 жылда әкімшілік-басқарманың үздік қызметкерін» анықтады. Осындай номинацияға Ботагөз Досанова ие болды. Жылдан-жылға дәстүрге айналған көліктін кілті биылғы жыл Қайрат Досановқа табыс етілді.

Салтанатты шараны жақсы көңіл-күймен, мерекені Қостанай қаласының «Мирас» мәдениет үйінің өнерпаздары жалғастырды. Нағыз еңбек адамдары үшін тамаша концерттік бағдарлама мерекелік дастархан жайылды.

Қымбат НАҒАШЫБАЙ