Біздің чемпиондар!

Қазақстан Республикасы Ақпарат және қоғамдық даму министрлігімен Республикалық мектеп спорт федирациясының қолдауымен 21-22 қыркүйек аралығында Қостанай қаласында Республикалық І жастар ойындары жобасы өтті

Мектеп оқушылары арасындағы командалық іріктеу ойынына біздің Меңдіқара ауданының намысын қорғап, мықты ойыншылардан құралған команда ат салысты.

Қомандалық ойында жақсы ойын көрсеткен Ломоносов орта мектебінің 10 сынып оқушысы Алмат Жоломанов және Ғ.Жұмабаев атындағы мектеп гимназиясының оқушысы Арайлым Айсаева барлық қарсыластарын жеңіп, Қостанай облысының чемпионы атанды.

Жеңімпаздар мақтау грамоталарымен, медальдармен және бағалы сыйлықтармен марапатталды. Іріктеу кезеңінен өткен командалардың қатарынан орын алған біздің ойыншыларымыз да алдағы көктемде Көкшетау қаласында өтетін Республикалық жастар ойындарына жолдама алды.

Осы орайда мықты ойыншылар дайындап, сайысқа қосып отырған бапкерлері Рысбай Үмбетов пен Мұрат Жоломановтың да еңбектері зор. Намысты қолдан бермей, көк байрағымызды биікте қалықтата білген жас спортшыларымызға тек жеңісті сәттер тілейміз!