Осы жылы елімізде колледжер мен жоғарғы оқу орындарындағы сабақтар толығымен онлайн емес, аралас форматта өтетін болды
Оның ережелерін білім және ғылым министрі Асхат Аймағамбетов үкіметтің онлайн отырысында таныстырды деп хабарлайды KAZ.NUR.KZ порталы.
Министр жоғары оқу орындарында оқыту негізінен қашықтан жүргізіледі деп отыр. Оның сөзінше, бакалавриатта педагогикалық, IT, әлеуметтік және гуманитарлық бағыттар бойынша дәріс және семинар сабақтары қашықтан өткізіледі. Сонымен қатар, Аймағамбетов техникалық, аграрлық және табиғи бағыттар, медицина әрі өнер мамандықтары бойынша дәрістер мен семинарлардың 70 пайызы онлайн форматта, ал зертханалық және практикалық сабақтарды (30%) күшейтілген санитарлық шараларды қатаң сақтай отырып, жеке-жеке өткізуге мүмкіндік берілетінін атап өтті. Магистратура мен докторантурадағы сабақтар да аралас принциппен оқытылады.
Алматы қаласындағы Азаматтық авиация академиясының студенті атанған жерлесіміз Сағдат Жадыра да өз құрбы-құрдастары қатарлы алғашқы студенттік кезеңді қашықтықтан бастап отыр. Сағдат ауданымыздың Ғ.Жұмабаев атындағы мектеп гимназиясының түлегі. Мектеп қабырғасынан жақсы тәртібімен, білімімен ерекше көзге түсіп 11 сыныпты үздік аттестатпен аяқтаған оқушылардың бірі. Ұлттық біріңғай тестілеуден жоғары балл алып, бүгінде өзі қалаған оқу орнының грантына қол жеткізді. Болашақта жоғары оқу орнын ойдағыдай аяқтап авиатехник мамандығын игеруді мақсат етуде. Мектеп қабырғасынан болашақ мамандығына тікелей қатысы бар физика, математика пәндерін тереңдетіп оқып, мақсатына жол сала білген жас түлектің арманы орындалды.
Дегенменен академия қабырғасындағы алғашқы оқу жылын қашықтықтан бастап, студент атанған Сағдаттың оқу-білімге деген құлшынысы жоғары. Алдағы уақытта еліміздегі жағдай түзеліп, студенттік өмірге оралуды армандайтын әрбір жастың тілегіне Сағдат та қосылады. Олай болса біз де бүгінгі білім алушылар, ертеңгі еліміздің болашағын қалаушы жастарға сәттілік тіледік.
Қымбат НАҒАШЫБАЙ
Қарашаның 14 жұлдызында аудандық мәдениет үйінің төрінде «Юбилейный» мәдениет үйінің әншісі Ғалымжан Маутановтың жеке ән…
Об этом рассказал начальник отделения криминальной полиции Мендыкаринского района Александр Желтоножко (далее…)
Касым-Жомарт Токаев выразил благодарность Владимиру Леонову за активное участие в проведении республиканского референдума по строительству…
Многожанровый фестиваль проходил в областном центре и собрал порядка ста участников (далее…)
Доступ к современным технологиям позволяет мендыкаринским школьникам расширить свои знания (далее…)
Қарашаның 7-ші жұлдызында аудан орталығында орналасқан Ғаббас Жұмабаев атындағы Боровской мектеп-гимназиясының төрінде ұлағатты ұстаз Қапар…
This website uses cookies.