1993 жылдың 15 қарашасында Елбасының Жарлығымен ұлттық валюта теңге қаржы айналымына еңгізілді
Сөйтіп, тәуелсіз Қазақстан тарихының жаңа парағы ашылды. Бұл күн – Ұлттық валюта теңге күні және қаржы саласы қызметкерлерінің кәсіптік мерекесі.
Мерекеге орай қаржы саласында қажырлы еңбек етіп жүрген Меңдіқара аудандық «Халық банкі» филиалының ұжымы жайлы жазғанды жөн санадық. Бұл ұжымның күнделікті атқарар жұмысы өлшеусіз. Олар халыққа жаппай қызмет көрсетіп, ел үшін еңбек атқаруда.
Аталмыш мекемеде өз қызметіне адал, шын берілген мамандар еңбек етіп, еселі еңбектерімен өңіріміздің әлеуметтік-экономикалық дамуына өз үлестерін қосып келеді. Әр маманның тәжірибесі мол және біліктілігі жоғары.
Аудандық филиалдың басшысы Ұлан Есенов, сан жылдар тізбегінде тәжірибесін шыңдай өскен, өмірін еңбек өрнектерімен өрген – білікті маман, абзал азамат. Әркез өз құзырына берілген еңбекке аса жауапкершіліпен қарап, еңбек пен талапты ұштастырып келеді. Іскер маман қызмет барысында қатал талап қоя біліп, өз қызметін ықыласпен атқаруда.
– Қарамағымда тоғыз қызметкер еңбек атқарады. Әр маманның өзіне жүктелген міндеті бар. Әр қызметкер өз міндетін абыроймен атқаруға тырысуда. Арамызда сан жылдар қажырлы еңбек еткен, қызметіне мықты мамандар халық үшін аянбай тер төгіп келеді. Ақша мен жұмыс істеу жауапкершілік және белсенділікті талап етеді. Осы талапты ұстанып, ел үшін еңбек етудеміз. Қашанда халықтың көңілінен шығуды басты назарда ұстап, көптің алғысын да естіп жүрміз, – дейді білікті басшы Ұлан Хамзаұлы.
Талай жыл толассыз еңбек етіп, өз ісінің майталманына айналған қызметкерлер де баршылық. Соның бірі Галина Задорожная. Ол отыз бес жыл ғұмырын есеп-қисапқа арнап, бүгінде халықтың алғысы мен ризашылығына бөленуде. Әріптестерінің алдында беделді, жас мамандарға үлгі бола білген жан әлі де халық үшін еңбек етіп келеді.
Сан қилы тарихы бар мекеме қызметкерлері бүгінде заман мен талапқа сай жұмыс жасауда. Әр клиенттің тілін тауып, елдің көңілінен шығып жүрген мамандардың сапалы жұмысының арқасында өңіріміздің экономикасы қарқынды дамып келеді.
Ұлттық валюта – теңге күні қарсаңында қаржы саласының барша қызметкерлерін кәсіби мерекелерімен құттықтаймыз. Сіздерге шын жүректен мықты денсаулық мол табыс тілейміз. Ел игілігі жолында жаңа жетістіктерге жете беріңіздер деген тілегімізді білдіреміз.
Тұрсынай Мұхтарқызы
Об этом корреспондентам районной газеты «Меңдіқара үні» стало известно от родителей, чьи дети учатся в…
Спасатели района уверены: заблаговременная подготовка - ключ к успешному противостоянию стихии. (далее…)
Заниматься мобилографией Никита начал в 2024 году, когда пришел работать на государственную службу. (далее…)
Байқауға орталықтың сегіз оқытушысы қатысып, өз білімдері мен тәжірибелерін ортаға салды. (далее…)
Ауқымды спорттық шараға облыстың 18 командасынан барлығы 246 жас шаңғышы қатысып, өзара бақ сыңасты. (далее…)
Об этом корреспондентам районной газеты рассказал главный санитарный врач Мендыкаринского района Ералы Смагулов. (далее…)
This website uses cookies.