Главные новости Мендыкаринского района – Qostanai Media

Ақпарат көздеріне сүйенсек аталмыш мереке 2009 жылы Копенгагенде әлеуметтік педагогтердің Халықаралық  конференциясында қабылданған екен.

Айтулы мамандықтың атқарар міндеті де арқалар жүгі де ауыр екені белгілі. Дегенменен әлеуметтік педагог қызметін нәзік жанды арулар атқарып келетінін жиі естіп те көріп те келеміз. Ал, біздің ауданымыздың жалпы он үш мектепте қызмет етіп келе жатқан әлеуметтік педагогтың ішінде ер азаматтар да өз қызметіне жауапкершілік танытып отыр – дейді, аудандық білім бөлімінің мамандары.

Дулат Тастемиров А. Шотаев атындағы Боровской гимназия – мектебінде биылғы жаңа оқу жылында қабылданған маман. Дулат өзіне жүктелген әлеуметтік педагог қызметіне белсенділікпен, аса зор жауапкершілікпенен қарайтындығын жасырмайды. Арқалық қаласынан Меңдіқара жеріне отбасымен қоныс  аударған ол аудан табиғаты мен қонақжай, қарапайым халқы өзін бірден баурап алғандығын айтты.

– Өзім бірнеше жыл қатарынан Арқалық қаласына қарасты балалар демалыс орнында жетекші болып жұмыс істегендіктен, аталмыш мамандық менің жаныма жақын. Әлеуметтік педагогтың жұмысы бала құқығын қорғау, оның әрбір мәселесімен жетік танысу және оны шешу жолында жұмыс атқару. Кәмелетке толмаған жасөспірімдердің қылмысының сан-салалығы олардың күнделікті қылмысынан көрініс табуда. Оларды жаңа рухта, жаңа көзқараста тәрбиелеу қоғамының міндетінің бірі болып табылды. Жасөспірімдердің тағдыры мемлекетіміздің алдында, бүкіл қоғамының, мектеп, ата-ана, ұстаздардың келешек ұрпаққа білім беру, өз құқығын білуге үйрету, кері әрекеттерін алдын-алу қажет. Бұл біздің міндетіміздің бір бөлігі болып табылады. Ал, тәртібі нашар оқушылар мен кеңестер өткізу, комиссия отырысы мен рейдтер жүргізу өз алдына жасалатын жұмыс. Сондықтан әлеуметтік педагог қызметі ер адамға да оңайға соқпайтын жұмыс екенін айтқым келеді – дейді, Дулат.

Қымбат НАҒАШЫБАЙ