Тұңғыш Елбасы күні қарсаңында аудан әкімінің қатысуымен ауқымды іс-шаралар бастау алды.
Аудандық мәдениет үйінде өткен салтанатты жиынға жастар мен мемлекеттік қызметкерлер ат салысты.
Сахна төрінен барша меңдіқаралықтарды аталмыш мерекемен аудан әкімі Нұрлан Қатарбеков құттықтап, еліміздің өркендеуіне үлес қосып, еңбек етіп келе жатқан жандарды алғыс хатпен марапаттады. Олардың қатарында ішкі істер бөлімінің қызметкері Виктор Холодков, балалар мен жастар шығармашылығы үйінің басшысы Перузат Қошанова, Харьков ауылдық округінің мейірбикесі Гүлбану Самарова бар.
Құттықтау сөз кезегінде аудандық ардагерлер кеңесінің төрағасы Есет Көбеков сөз алып, Тұңғыш Елбасымыздың ел мүддесі жолында жасаған еңбегіне тоқтала отыра, бүгінгі күні де ардагерлер мен жастарға мемлекет тарапынан жасалып отырған қамқорлыққа дән ризашылығын білдірді.
Мерекеге орай «Нұр Отан» партиясының Меңдіқара аудандық филиалының бірінші орынбасары Алла Тишбаева жастарға алғашқы партия билеттерін табыстады.
Мемлекеттік қызметқе қадам басқалы тұрған жас мамандар Анар Байдаулетова, Дарья Тимашова, Азамат Жұматаев, Жанар Хасенова ел алдында салтанатты түрде ант қабылдады.
Елбасы күніне орайластырылған іс-шара жастар жылын қорытындылауға арналған форумымен жалғасын тапты. Жыл бойы Жастар ресурстық орталығының жұмысының нәтижесі мен көрсеткіші жайында орталық директоры Алена Дикая баяндады. Биылғы жылда таланты мен еңбекқорлығының арқасында көзге түсіп, жақсы нәтижелерге қол жеткізген жастардың есімдері Меңдіқара ауданының Алтын кітабына еніп, алтын әріппен қаланды.
Алтын кітапқа мәдениет номинациясы бойынша жерлесіміз Дінмұхамбет Құсайынов, ұстаздық қызмет саласынан Мирас Жоламанов, спорт номинациясы бойынша Дидар Тулебаев, Сатбек Есенгильдин, жастар көшбасшысы номинациясымен Серік Авгумбаев енді. Алтын кітаптың жеңімпаздарын аудан әкімі Нұрлан Жеңісұлы құттықтап, сертификат табыс етті.
Жастардың құрметіне жас талант иелері Иса Мусинов, Амалия Ахмедова ән шырқап, жас ақын Дінмұхамбет Құсайынов өз арнауын тарту етті. Мереке барша меңдіқаралықтарға жақсы көңіл-күймен, жарқын сәттер сыйлады.
Қымбат НАҒАШЫБАЙ
Мероприятие по озеленению родного края провели с участием акима района Габита Бекбаева, руководителей и сотрудников…
Этот день был особенным не только для Веры Федоровны, но и для коллег и людей,…
Новая система FACE ID предотвращает попадание в учреждение образования посторонних лиц, тем самым обеспечивая безопасность…
Как известно, Казахстан является многонациональной страной. Добрососедство представителей разных вероисповеданий сформировало особое мировоззрение у наших…
Каждое праздничное мероприятие не обходится без букета цветов. (далее…)
Православная церковь в Мендыкаринском районе является памятником архитектуры начала XX века. Интересный образец культовой постройки,…
This website uses cookies.