Меңдіқара ауданының Жастар ресурстық орталығы жанынан құрылған еріктілер қозғалысы жүйелі түрде жұмыс істеп, қоғам өмірінің түрлі саласында белсенді қызмет атқарып келеді.
Бұл қозғалыс – жастардың азаматтық жауапкершілігін арттырып, әлеуметтік мәселелерді шешуге үлес қосатын маңызды бастама.
Еріктілер өз еріктерімен, ешқандай материалдық сыйақы күтпестен Меңдіқара аудандық Жастар ресурстық орталығына келіп, аудан көлемінде өтетін әлеуметтік, мәдени және танымдық іс-шаралардың ұйымдастырылуына көмектеседі. Атап айтқанда, «Диалог алаңдары» аясында жастар мен мамандар, қоғам белсенділері арасында ашық пікір алмасулар өткізіліп, өзекті тақырыптар талқыланады. Сонымен қатар, еріктілердің қатысуымен ұйымдастырылатын «Интеллектуалдық ойындар» жастардың білімін шыңдап, логикалық ойлау қабілетін дамытуға ықпал етеді. Ал қайырымдылық концерттер арқылы әлеуметтік қолдауды қажет ететін жандарға көмек көрсетіліп, мейірімділік пен жанашырлық құндылықтары насихатталады.
Жылдың әр мезгілінде еріктілердің атқаратын жұмыстары да әртүрлі. Жаз мезгілінде олар қарт адамдардың, жалғызбасты аналардың және әлеуметтік жағдайы төмен отбасылардың үйлеріне барып, аула тазалау, көгалдандыру, ағаш отырғызу, қоршаған ортаны абаттандыру жұмыстарымен айналысады. Бұл өз кезегінде ауыл-аймақтың көркеюіне және тұрғындардың тұрмыс сапасының артуына септігін тигізеді.
Қыс айларында еріктілердің еңбегі ерекше байқалады. Қарлы боранды күндері олар қар күреп, отын-су мәселесінде қолдау көрсетеді: көмір мен ағаш кіргізіп береді, су тасиды, аула жолдарын тазалайды. Мұндай көмектер әсіресе жалғыз тұратын қарттар үшін үлкен демеу болып отыр.
-Еріктілік – қоғамға жанашырлықпен қызмет етудің жарқын үлгісі. Жастар ресурстық орталығы жанындағы еріктілер түрлі әлеуметтік және мәдени іс-шараларға белсене қатысып, нақты көмек көрсетіп келеді. Бұл жұмыстар жастардың жауапкершілігін арттырып, бірлік пен мейірімділікті нығайтады. Алдағы уақытта да еріктілер қозғалысын қолдап, игі істерді бірге жүзеге асыра береміз, – дейді Меңдіқара аудандық Жастар ресурстық орталығының басшының міндетін атқарушы Тұрсынай Дүйсембаева
Еріктілік қызметке көбіне Кәмшат Дөненбаева атындағы Боровской кәсіптік-техникалық колледжінің студенттері белсене қатысады. Олар оқуымен қатар қоғамдық жұмыстарға араласып, уақытты тиімді пайдалануды, жауапкершілікті сезінуді және ұжыммен жұмыс істеуді үйренеді. Жастар ресурстық орталығы еріктілер үшін түрлі оқыту кездесулерін, тренингтер мен тәжірибе алмасу шараларын ұйымдастырып, олардың әлеуетін дамытуға жағдай жасайды.
Аудандық Жастар ресурстық орталығы жанындағы еріктілер қозғалысы – қоғамдағы өзара қолдаудың, бірліктің және жанашырлықтың айқын көрінісі. Алдағы уақытта да бұл қозғалыс аудан өмірінің әлеуметтік дамуына өз үлесін қосып, игі істердің бастамашысы бола беретіні сөзсіз.
Ақжан Байтұрсынова
Суреттер мұрағаттан алынды
В нем приняли участие семьи и молодежь Костанайской области, передает «Наш Костанай» (далее…)
Об этом корреспондентам районной газеты сообщил главный коммунальщик района Арман Хасенов (далее…)
Этот проект, реализованный за счет собственных средств, стал не только инновацией для населенного пункта, но…
Из Костанайской области пятеро школьников были приглашены в Астану для участия в традиционной экскурсии в…
Эта инициатива, продиктованная насущной необходимостью, была поддержана нашим земляком, почетным гражданином Мендыкаринского района Бахытом Абдыкаримовым.…
Это событие станет важным этапом в жизни клуба и возможностью продемонстрировать результаты многолетней работы. (далее…)
This website uses cookies.