Қазан айының 24 жұлдызында Меңдіқара ауданында ұлт мерейін асқақтатқан ұлық мереке – Республика күні кеңінен аталып өтті.
Бұл мереке – еліміздің Тәуелсіз мемлекет ретінде қалыптасу жолындағы маңызды кезеңді айшықтайтын, ел бірлігін, татулық пен ынтымақты дәріптейтін күн.
Мерекелік іс-шара аудандық «Юбилейый» мәдениет үйінде ұйымдастырылып, оған аудан әкімінің орынбасарлары, мемлекеттік қызметкерлер, еңбек ардагерлері, ұстаздар, оқушылар және аудан тұрғындары қатысты. Салтанатты шара Қазақстан Республикасының Мемлекеттік Әнұранымен басталып, көпшіліктің бойын ерекше рух пен мақтаныш сезімі кернеді.
Салтанатты жиында аудан әкімінің орынбасары Мейрам Сауытпаев сөз сөйлеп, аудан тұрғындарын мерекемен құттықтады.
-Құрметті жерлестер, сіздерді еліміздің басты мерекелерінің бірі – Республика күнімен шын жүректен құттықтаймыз! Бұл мереке-қазақ елінің мемлекеттілік жолындағы тарихи таңдауын айқындаған, халқымыздың азат рузын, елдік бірлігін, тәуелсіздікке деген берік сенімін білдіретін күн. Біздің Меңдіқара ауданы да ел дамуына өз үлесін қосып келеді. Ауыл шаруашылығы, білім, мәдениет салаларында елеулі жетістіктерге жетіп, тұрғындардың әл-ауқатын арттыру бағытында жүйелі жұмыстар атқарылуда. Бұның барлығы – жерлестеріміздің арқасы. Айтулы мерекеге орай барша Меңдіқаралықтардың отбасына амандық, дендеріңе саулық тілеймін, – деді Мейрам Мұратұлы
Мейрам Сауытпаев ауданның әлеуметтік-экономикалық дамуына үлес қосып жүрген бірқатар азамат-азаматшаларды облыс әкімінің, облыс әкімінің орынбасарының, аудан әкімінің, аудан әкімінің орынбасарының алғыс хаттарымен марапаттады.
Мерекелік концерт бағдарламасы мазмұнды әрі әсерлі өтті. Сахна төрінде аудан өнерпаздары патриоттық рухтағы әндер орындап, ұлттық билер биленді. Түрлі жүрек тебірентер әндер шырқалып, көрермендерді ерекше әсерге бөледі. Жас өнерпаздар орындаған композициялар мен хореографиялық қойылымдар елге деген сүйіспеншілік пен мақтаныш сезімін айқын көрсетті.
Республика күні – әрбір азамат үшін елдің ең қастерлі мерекелерінің бірі. Бұл күн — ортақ тарихымызды еске алып, бүгінгі бейбіт өмірдің қадірін сезінетін, болашаққа сеніммен қарауға шақыратын маңызды мереке.
Ақжан Байтұрсынова
Сүретті түсірген автор
Меңдіқара ауданында дәстүрге айналған жазғы спартакиада биыл да жоғары деңгейде ұйымдастырылып, бұқаралық спорттың мерекесіне…
Меңдіқара ауданында ұлттық құндылықтарды ұлықтап, отбасы институтын нығайтуға бағытталған дәстүрлі «Мерейлі отбасы» ұлттық байқауының аудандық…
Кей адамдар үшін туған жер – балалық шақтың естелігі ғана. (далее…)
Жауынмен жер көгерер деген рас. (далее…)
23 июля Кумар Аксакалов с рабочей поездкой посетил Мендыкаринский район. (далее…)
О насущных вопросах перед уборочной кампанией шла речь на полях крестьянского хозяйства «SDS». (далее…)
This website uses cookies.