Меңдіқара ауданында асық ату мен бес асық спорты қарқынды дамып келеді.
Боровское ауылында 2014–2015 жылдары туған жасөспірімдер арасында Қостанай облысының чемпионаты өтіп, жеті командадан 60-тан астам спортшы бақ сынады.
Жарысқа Қостанай, Әулиекөл, Қарасу, Наурызым, Денисов аудандары, Рудный қаласы және Меңдіқара ауданының өкілдері қатысты. Меңдіқараның намысын 16 спортшы қорғады. Жас асықшыларды жаттықтырушылар Рыспай Үмбетов пен Ғабит Абдуллин дайындап келеді.
Меңдіқаралық қыздар бес асықтан да жақсы нәтижеге қол жеткізді. Классикалық ойында Арайлым Төлеген – 2-орын, Айлин Еркебұлан мен Махаббат Мұхамбетғалиева – 3-орын алды. Блиц форматында Арайлым Төлеген 1-орын, Махаббат Мұхамбетғалиева 3-орын иеленді.
Ауданда асық ойынын дамытуға да көңіл бөлінуде. 2023 жылы мектепте үйірме ашылып, кейін Балалар және жасөспірімдер шығармашылық үйінде «Алтын асық» әдістемелік орталығы құрылды. Қазір ауданның 8 мектебінде 100-ден астам оқушы асық ату спортымен тұрақты айналысады.
«Асық ойыны баланы жинақылыққа, дәлдікке және сабырлылыққа тәрбиелейді. Бүгінгі балалардың спортқа деген ынтасы қуантады», – дейді жаттықтырушы Рыспай Үмбетов.
Ұлттық спортқа қызығушылықтың артуы – жас ұрпақтың дәстүрлі ойынға бет бұрып келе жатқанын көрсетеді. Ал мамандардың мақсаты – Меңдіқарадан ел чемпиондарымен қатар Азия және әлемдік деңгейдегі спортшыларды тәрбиелеу.
Айтолқын ӘБДІЛДА
Суреттерді аудандық спорт бөлімі ұсынды
Этот значимый подарок для Нурдаулета Чажабаева и Альфии Рахметовой, воспитывающих пятерых детей, стал возможен благодаря…
Всю эту красоту - от идеи до воплощения - новый руководитель библиотечной системы Кайыржан Тлесбаев…
Қостанай облысында «Таза Қазақстан» жалпыұлттық тұжырымдамасы аясында «Менің аулам – менің бағым» облыстық жобасы жүзеге…
В рамках проекта «Заң мен тәртіп» («Закон и порядок») в Костанайской области продолжается «Караван правовой…
Для Артема настоящий драйв заключается в запахе бензина, звуке карбюраторного двигателя и аутентичности советской классики.…
This website uses cookies.