«Дипломмен – ауылға» бағдарламасы аясында қазіргі таңда жас мамандарға барынша қолдау көрсетіліп, алаңсыз жұмыс істеуіне жағдай жасалып жатыр
Бағдарламаның басты мақсаты – ауылды аймақтарды қажетті мамандармен қамтамасыз ету.
Ұтымды жоба аясында баспаналы болған Динара Молдашева ауданымыздың төл тумасы. Первомай орта мектебінен түлеп ұшқаннан кейін, асқақ арманы жетелеп О.Сұлтанғазин атындағы Қостанай педагогикалық университетіне оқуға түседі. Мектеп қабырғасында жүріп-ақ, түрлі байқау, олимпиадаларда бағын сынаған Динара, студенттік өмірде де өте белсенді болған екен. Әсіресе, жеңіл атлетика, волейбол сияқты спорттық іс-шараларға белсене қатысады. Қызықты студенттік өмірден кейін, қолына дипломын алған жас маман үлкен өмірге қадам басып өзінің өсіп-өнген ауданына оралғанды жөн санайды.
Жас маман бүгінгі күнде Ахметқазы Шотаев атындағы мектеп-гимназиясында қазақ тілі және әдебиет мамандығы бойынша сабақ беріп, ең адал, ең жауапты мамандықтың иесі атанды. Жас болса да, шәкірттеріне сапалы білім мен саналы тәрбие беруге ден қойып, заман талабына сай еңбек етуде. Ұстаз болу оның бала кезгі арманы. Балалық шақтың арманын жетілдіру оңайға соқпайтыны анық. Арманына қол жеткізуге әжесі қолдау көрсеткен екен.
Нәзік жанды Динараның қолдаушысы да, жанашыры да әжесі. Он баланы тәрбиелеп жеткізген Сәуле әжей, немересінің де тәрбиесімен өзі айналысқан көрінеді. Кішкентай немере бүгінде парасатты, адамгершілігі мол, білімді маманға айналды. Мемлекет тарапынан көрсетілген қолдаудың арқасында баспаналы болды. Сексеннің төртеуіне келген қарт әжейдің үлкен үміті ақталды десек қателеспеген болармыз.
– Әр адамның тағдыры сан қилы. Менікі басқалардан өзгеше. Мен әжемнің қолында өстім. Маған барын берді, ең бастысы – адам етті. Әжеме алғысым шексіз. Бүгінде туып-өскен ауданымда еңбек етудемін. «Дипломмен – ауылға» бағдарламасының арқасында өз үйіме қол жеткіздім. Алдағы күнде маған артылған үмітті ақтап, ұстаз деген атқа лайықты еңбек еткім келеді,- дейді жас маман Динара Молдашева.
Жас болса да ізденімпаз, жаңашылдыққа жаны құмар Динараның алар асуы алды. Оның бойындағы жастық-жігері, жалыны алысқа жетелері анық. Талай шәкіртті биікке шыңдап, талай биікті бағындырары сөзсіз.
Тұрсынай Мұхтарқызы
Проект предусматривает обновление трубопроводов с последующим восстановлением асфальтового покрытия на местах проведения работ. (далее…)
В нем приняли участие семьи и молодежь Костанайской области, передает «Наш Костанай» (далее…)
Об этом корреспондентам районной газеты сообщил главный коммунальщик района Арман Хасенов (далее…)
Этот проект, реализованный за счет собственных средств, стал не только инновацией для населенного пункта, но…
Из Костанайской области пятеро школьников были приглашены в Астану для участия в традиционной экскурсии в…
Эта инициатива, продиктованная насущной необходимостью, была поддержана нашим земляком, почетным гражданином Мендыкаринского района Бахытом Абдыкаримовым.…
This website uses cookies.