Ақ жаулықты аналарымыз бен ақ сақалды аталарымызды мерекемен сахна төрінен аудан әкімі Нұрлан Қатарбеков құттықтап, ыстық ықыласын білдірді. Мереке күні Меңдіқара ауданының жас ұрпағын тәрбиелеудегі көп жылдық еңбегі үшін және белсенді қоғамдық жұмысы үшін аудан әкімінің Алғыс хатымен Өтегенов Марат Нұрұшұлы, Асеева Любовь Федоровна марапатталды.
Салтанатты жиын аналарымыз бен аталарымыздың құрметіне арналған концерттік бағдарламамен жалғасын тапты. Қазақтың қасиетті қара домбырасымен Мұрат Нағашыбайдың орындауында терме, Мейір Нұрмұхамбетовтың тарту еткен күй шашуы көрерменнің көңіл төрінен ерекше орын алды. «Жұлдыз» халықтық хореографиялық би тобының мың бұралған биі де мерекенің сәнін келтірді. Дәл осынау мерекеде «Ақ әжелер» ансамблі, «Подвиг» ардагерлер хоры, «Березка» вокалдық тобы, «Нұр-стайл» жастар тобы өз өнерлерін ортаға салды. Мұрат Нағашыбайдың жетекшілігіндегі «Тамаша» жастар театры да өз көрермендеріне жаңаша қойылымдарын тарту етті. Ондай-ақ, Достияр Қайдаров, Ғалымжан Маутанов, Марат Өтегенов, Қарлығаш Құсаиновалардың орындауларындағы тамаша әндер әрбір жанға мерекелік көңіл күй сыйлады.
Қорытынды сөз кезегінде аудандық ардагерлер кеңесінің төрағасы Есет Кубеков барша мереке иелерін құттықтап, лебізін білдірді. Сондай-ақ, үлкенді ізет етіп, мерекеге арнайы қатысып отырған аудан әкімі Нұрлан Жеңісұлына ақсақалдар атынан алғыс сөзін білдіріп, еңбек жолына сәттілік тіледі.
Мереке күні аудан әкімі Нұрлан Қатарбеков, аудан әкімінің орынбасары Әсет Акижанов, аудандық «Нұр Отан» партиясы филиалы төрағасының бірінші орынбасары Алла Тишбаева, аудандық ардагерлер кеңесінің төрағасы Есет Кубеков Ұлы Отан соғысының ардагері Григорий Мартынович Николаевты арнайы құттықтап, гүл шоқтары мен сыйлықтарын табыс етіп деніне саулық, ұзақ ғұмыр тіледі. Григорий Мартынович өз кезегінде арнайы ат басын бұрып құттықтап келген аудан басшылығына ризашылығын білдірді.
Қымбат НАҒАШЫБАЙ
Как и прежде в первую очередь за санитарным состоянием улиц, скверов, парков и прибрежных зон…
Как отметил руководитель ЖКХ Арман Хасенов, согласно проекту дом предназначен на 48 квартир, 30 из…
В этом году запланировано произвести работы по укладки асфальта на 13 улицах сел Мендыкаринского района.…
Напомним, что он проводился в период с 19 апреля по 19 мая. (далее…)
Отбасы дегеніміз – ол адамның жылылық пен мейірімге толы киелі бесігі, қасиетті шаңырағы. (далее…)
За право быть первыми и получить сертификат на сумму 3 млн тенге приняли участие 8…
This website uses cookies.