Үлкенге құрмет-кішіге ізет деген сөз әрдайым жадымызда
Ал, 1 қазан – Халықаралық қарттар күні қарсаңында елімізде егде адамдарға деген ықылас жыл сайын артып келетіні көңіл қуантады.
Қарақоға ауылының тұрғыны Балапан Байманова «Алтын алқалы» ана, немере-шөбере сүйіп отырған бақытты әже.
Балапан әжеміз өзі Бекдаутов отбасының тұнғышы. Елімізбен шекаралас жатқан Россия мемлекетінің Костыгин Лог деген елді-мекенінде 1935 жылы дүние келіп, балалық шағы сол жерде өткен екен. 1955 жылы Байманов Смағұл деген жігіттің етегінен ұстап, шаңырақ көтерді. 1962 жылы 3 баламен елге оралып, Қаратал совхозында талай жыл сауыншы болып еңбек жасаған кісі. Туған жерде ұрпақ жалғастырып, дүниеге тағы төрт перзентін әкелген алтын құрсақты ана отыз алты жасында жеті баламен тағдырдың жазуымен жолдасынан айырылып қалады. Басқа түссе баспақшыл демей ме, арқасына арқалаған тұрмыс жүгі қанша ауыр болса да, Балапан әжей басына түскен қиыншылыққа мойымаған. Алдына үлкен мақсат қоя отырып, қанша қиын болсада, балаларын тұмсықтыға шоқтырмай, қанаттыға қақтырмай өсіріп жеткізді.
Қамшының сабындай қысқа жалған дүниеде адамгершілігі жоғалмай, мейірімі сарқылмай, жомарттығы кемімеген адам ғана жеңіс табады. Міне, Балапан әжеміз, қазіргі уақытта ұрпағының жемісін көріп отырған жан десе де болады. Жеті ұл-қыздан он бес немере, жиырма жеті шөбере көріп отырған бақытты әже. Үлкен ұлы Сабыржан механизатор болып еңбек жасап, қазіргі уақытта зейнеткер ата. Екінші ұлы Сақтаған Садчиков ауылының әкімі боп қызмет атқарады. Қызы Баян Ресей елінде, мамандығы бойынша дәрігер болып еңбек етіп, қазіргі уақытта зейнеткер. Ұлдары Сапабек Боровской селосында механизатор, Әнуарбек жастайынан ауыл еңбегіне араласқан, қазір Рудный қаласының тұрғыны. Қызы Сәуле немере сүйіп отырған әже, кенжесі Елдос Ұзынағаш Шекара Заставасының жауынгері болып қызмет жасады, қазіргі таңда зейнеткерлік құрметті демалыста.
Әулеттің үлкен-кішісі мереке сайын қара шаңырақта жиналып, әжелерінің ақ батасын алып мәре-сәре болады. Осындай ұрпағына саналы тәрбие бере білген Балапан анамыз бүгінгі күні 85 жасқа келіп отыр. Әрдайым қазыналы қарттарымыз ортамызда жасай берсін демекпіз!
Қымбат НАҒАШЫБАЙ
Из Костанайской области пятеро школьников были приглашены в Астану для участия в традиционной экскурсии в…
Эта инициатива, продиктованная насущной необходимостью, была поддержана нашим земляком, почетным гражданином Мендыкаринского района Бахытом Абдыкаримовым.…
Это событие станет важным этапом в жизни клуба и возможностью продемонстрировать результаты многолетней работы. (далее…)
Продолжаем рубрику, посвященную жизни в отдаленных уголках района, и сегодня мы хотим рассказать о маленьком…
В селе Боровское жители и местный акимат продемонстрировали яркий пример того, как совместными усилиями можно…
В каждом уголке нашей необъятной Родины живут люди, чьи сердца бьются в унисон с ее…
This website uses cookies.