Спорттың қыр-сырын жетік меңгерген талантты да, мықты спортшы
Қатаң талапты ұстана отырып, спортпен айналысу жетістікке қол жеткізу оңай шаруа емес. Дегенмен, жаттықтырушың мықты болса – биік шыңды бағындыруға болады. Біздің бүгінгі мақаламызға арқау болған кейіпкеріміз, ауданымыздың мақтанышына айналған мықты спортшы – Досбол Жарасов.
«Тәртіпке бағынған құл болмайды» деп бекер айтылмаса керек. Ол қатаң талап пен тәртіпке бағынып, жан дүниесімен қалап спортпен айналысып келеді. Кез-келген ер бала спортшы, чемпион болсам деп армандайтыны анық. Біздің бүгінгі кейіпкерімізде бала күнінен спортшы болуды армандаған.
Арманы мен қызығушылығы оны алға жетеледі. Балалық арманды үлкен еңбекпен ұштастыра отырып, бүгінде мықты спортшылардың біріне айналды. Талай белестерді бағындыра білді, талай жеңіске қол жеткізді. Ол қазіргі таңда джиу-джитсудан Қазақстан Республикасының Халықаралық дәрежедегі спорт шебері атағына қол жеткізді.
– Алғаш спортқа келген кезімде бокс, қазақ күресі сияқты спорт түрлерімен айналыстым. Алғаш тәлімгерлік көрсеткен жаттықтырушыларыма алғысым зор. Дұрыс бағдар берді, баулыды. Бүгінгі күнде менің жаттықтырушым – Мереке Исмагулов. Жаттықтырушым да, жанашырым да осы кісі. Ол спорттың нағыз жанашыры. Менің жеткен жетістігім осы кісінің арқасында. Талай жас спортшылардың қамын ойлап, талай жастан көмегін аямады, – дейді спортшы.
Досбол Халықаралық турнирде бағын сынап, Монғолия елінде өткен Азия Чемпионатына да жолдама алған көрінеді. Талай аудандық, облыстық, республикалық спорттық шараларда бағын сынап, ауданымызға үлкен жеңіспен оралып жүр. Әрине, жеңіс оған оңалыйқпен келмейтіні де жасырын емес.
– Біздің сала қатаң тәртіпті, күнделікті жаттығу мен дайындықты талап етеді. Сол талапқа бағынуымыз керек. Бос уақытым өте аз. Уақытым бола қалса, жаттығу жасап шынығамын. Өзімнен кейінгі келген інілеріме де спорттың қыр-сырын ұғындырып, көмектесуге тырысамын. Алда талай мақсат бар. Сол мақсатыма қол жеткізуім үшін әлі де талай еңбек етуім керек. Еңбек пен талап менің адал серігіме айналды. Үміт артқан жаттықтырушым, тілеуімді тілеген ата-анамның үмітін ақтауым керек, – деген ойын білдірді Досбол.
«Баласы бәйгеге шапса, анасы үйде отырып тақымын қысар» деген қанатты сөз осыдан шықса керек. Балалары намысты қолдан бермеуге тырысып, жарысқа шыққан сәтте Досболға ақ тілегін білдіріп отыратын да, тілеуін тілеп, қолдау көрсетіп, сеніммен күтетін де ата-анасы.
Желтоқсан айының бесі мен алтысы күні аралығында біздің спортшы грэпплингтен Қостанай қаласында өтетін Қазақстан чемпионатына қатысып, өз бағын тағы бір мәрте сынайтын болады. Барша аудан жұртшылығының атынан сәттілік серігің болсын, бағың жанып жеңіске қол жеткіз деген ақ тілегімізді білдіреміз және үлкен сенім артамыз.
Тұрсынай Мұхтарқызы
Аким района проинформировал жителей о социально-экономическом развитии района за текущий год. Вместе с ним держали…
Общая сумма ущерба, нанесенного мошенниками жителям района за текущий год, превысила 22 миллиона тенге. (далее…)
Данные мероприятия проводятся с целью незаконного оборота пиротехнической продукции на территории Мендыкаринского района. (далее…)
Бүгінгі таңда еңбек нарығын цифрландыру, Мансап орталықтарының жұмысын реформалау, нәтижелі жұмыспен қамту және жаппай кәсіпкерлікті…
Отсутствие промышленности, сотрудника почты, пастбищ, малое количество школьников, плачевное состояние дорог - и это далеко…
Это событие, уже ставшее традиционным, в этом году достигло нового уровня, собрав на одной площадке…
This website uses cookies.