Байқауға орталықтың сегіз оқытушысы қатысып, өз білімдері мен тәжірибелерін ортаға салды.
Аталмыш байқау үш кезеңнен тұрды. Бірінші кезеңде қатысушылар қазақ тілінің А1 қарапайым деңгейі бойынша жасанды интеллект құралдарын қолдана отырып, 10 минуттық сабақ үлгісін көрсетті. Бұл кезеңде оқытушылардың заманауи технологияларды тиімді пайдалану дағдылары мен шығармашылық қабілеттері бағаланды.
Екінші кезеңде қатысушыларға Ахмет Байтұрсынұлының қазақ тілі мен әдебиеттануға, терминология саласына қосқан үлесі және қазақ тілін оқыту әдістемесіне қатысты сұрақтар қойылды. Оқытушылар өздерінің теориялық білім деңгейін көрсетіп, мазмұнды жауаптар берді.
Үшінші кезеңде А1 қарапайым деңгейіндегі тіл үйренушілерге арналған тілдік дағдылар бойынша (оқылым, жазылым, айтылым, тыңдалым) жағдаяттық тапсырмалар ұсынылды. Қатысушылар дайындалған билеттер негізінде аудиториямен жұмыс жүргізіп, практикалық шеберліктерін танытты.
Қазылар алқасының шешімімен байқау қорытындысы бойынша жүлделі орындарға ие болған: I – орынды Меңдіқара ауданы, Степанов ауылының қазақ тілі оқытушысы Ақмоншақ Байдрахманова иеленсе, II – орын Меңдіқара ауданы, Михайлов ауылдық округінің оқытушысы Орнтай Баянбекова, III– орын тілдерді оқыту орталығының қазақ тілі оқытушысы Айгүл Сахинаға бұйырды.
Аталған байқау оқытушылардың кәсіби біліктілігін арттыруға, тәжірибе алмасуға және қазақ тілін оқытудағы үздік әдістемелерді насихаттауға үлкен мүмкіндік берді. Сонымен қатар, бұл шара тіл мамандарының шығармашылық әлеуетін дамытуға және мемлекеттік тілдің мәртебесін көтеруге бағытталған маңызды қадам болды.
Ақжан Байтұрсынова
Суретті түсірген автор
С началом призывной кампании 17 марта, еще четверо мендыкаринцев пополнили ряды защитников Отечества. (далее…)
Көктем мезгілінің жақындауына байланысты су тасқыны қаупі жыл сайын өзекті мәселелердің бірі болып табылады. (далее…)
«Ана бір қолымен бесікті тербетсе, екінші қолымен әлемді тербетеді», - деп бекер айтылмаса керек. (далее…)
25 ақпан мен 2 наурыз аралығында Қызылорда қаласында 2012 жылы туған қыздар арасында бокстан Қазақстан…
Совместными усилиями проводится работа по вывозу снега, расчистке улиц и отвода воды от жилых домов.…
В Мендыкаринском районе Елена Карповна личность известная 96-летняя мендыкаринка оставила большой след в истории района.…
This website uses cookies.