Бала ертеңгі болашағымыз. Бүлдіршіндерге саналы білім мен дұрыс тәрбие беру баршаға ортақ міндет. Осы орайда балаларымызға ең алғашқы тәрбие мен білімнің баспалдағын беруде «Жас әлем» бөбекжай-балабақшасының еңбегі зор
Өткен аптада балалардың саялы мекеніне айналған балабақша өзінің он жылдық мерейтойын сән-салтанатымен атап өтті. Бұл күнде балабақша тәрбиеленушілері мен балаларға саналы білім мен тәрбие бере білген тәрбиешілер қауымы ерекше думанға бөленді. Балабақша ұжымы келіп жеткен мерейлі мерекелерін ерекеше сән-салтанатымен атап өтіп, қуанышқа бөленді.
«Жас әлем» балабақшасы бөбектерге өзінің есігін айқара ашқан күннен бері он жыл уақыт өткен екен. Он жыл ішінде білім ұясы үлкен жетсітіктерге қол жеткізіп, халықтың зор сеніміне ие болды. Осы уақыт аралығында көптеген бүлдіршіндерді түлеткен бөбекжай ата-аналардың шексіз ризашылығы мен алғысына да бөленді.
Білікті педагог Бахытгүл Жаркимбаева басқарып отырған «Жас әлем» бақшасында бүгінде жүз жиырма балғын тәрбиеленуде. Үш топ орыс тілінде жұмыс жасаса, үш топ мемлекеттік тілімізде жұмыс жасап, балдырған бөбектеріміз үшін барлық жағдай қарастырылып отыр. Бала жанының бағбанына айналған он екі тәрбиеші білім беру жолында аянбай тер төгуде. Балалар үшін қашанда тәрбиеші көмекшісінің орны бөлек. Бұл салада жеті бірдей маман балаларға жүрек жылуын сыйлап, үлкен еңбек атқаруда. Балабақша заман талабына сай жабдықталып, білімді де, білікті педагогтар білім беру жолында да заман ағымынан қалысар емес.
-Біз бала тәрбиесі мен баланың жағдайын басты орынға қойып, әркез басты назарда ұстауға тырысамыз. Әр ата-ана өз перзентін аса сенімділік пен бақшаға әкеледі. Ата-ананың артқан сенімі мен үмітін ақтап, бөбектерімізге мейірім мен жылыулық сыйлауға тырысамыз. Тәрбиешінің жұмысы аса жауапкершілк пен табандылықты талап етеді. Талапқа сай біздің тәрбиешілер өзіне жүктелген міндетті абыроймен орындауда. Он жыл ішінде жеткен жетістікткеріміз де жетерлік. Осы уақыт аралығында мектепке дейінгі тәрбие мен білім беруді басты мақсат тұтқан «Жас әлем» балабақшасының жетістігі мен табыстарын мақтанышпен айта аламыз. Бүлдіршіндердің бойына сапалы білім мен тәрбиені сіңіру жолында біздің ұжымның алар асуы алда екеніне сенімдімін,-дейді мекеме меңгерушісі Бахытгүл Орынбекқызы.
Он жылдық мерейтойға балғындар мен тәрбиешілер қауымы жоғары дайындалып, өздерінің мерекелік концерттерін жиылған көрерменге көрсетті. Кіп-кішкентай балдырғандар әуелете ән шырқап, мың бұрала би биледі. Жиылған қауым бүлдіршіндердің өнеріне тәнті болып, қошеметтерін де аямады. Ертегі кейіпкерлері балабақшаға саяхат жасап, сахна төрінде тамаша
қойылымдар көрсетілді. Мекеме меңгерушісі балғындар мен тәрбиешілерді мерейтоймен құттықтап, өзінің ақ тілегін білдірді.
Мереке күні бала жанының бағбандарына айналған тәрбиеші ұстаздарға Алғыс хаттар табысталып, балаларға тәтті базарлықтар таратылды.
Іргетасы қаланғанына он жыл толған «Жас әлем» бөбекжай-балабақшасының ауыз толтырып айтатындай жетістіктері жетерлік. Алдағы уақытта да асуларды молынан бағындырып, жас балғындарымыздың тұлға болып қалыптасуына септігін тигізіп, саналы білім береді деген ойдамыз.
Тұрсынай Мұхтарқызы
Как обстоят дела на предприятии, где и по какой цене можно приобрести продукцию «Меңдіқара май», узнали корреспонденты районной…
В нашем районе щедрые леса скрывают настоящие сокровища: смородину, вишню, малину, землянику и многие другие…
В селах Михайловка и Молодежное завершено строительство модульных ветеринарных пунктов. (далее…)
Идею с признанием в любви к родному краю воплотили в реальность местное ТОО и неравнодушные…
О ходе ремонтных работ рассказал руководитель ЖКХ Арман Хасенов. (далее…)
Реализация проекта направлена на создание безопасного, удобного и благоустроенного общественного пространства для жителей и гостей…
This website uses cookies.